今晚系平安夜,太阳出黎之后就系圣诞节,我唔知道圣诞节噶由来,都唔知道点解我地要过圣诞节.但系我只知道圣诞节特别多后生仔女出街,拍拖噶拍拖,又或者约埋三五知己劈下酒,抑或成班F或者同事打完边炉狂唱K,玩得好开心;另外一班人觉得,圣诞似乎同自己关系唔大,无乜必要系呢个人多又贵噶日子出去同人逼,不如静静地坐系自己书台前面，继续睇翻琴日未睇完噶小说，叹翻壶靓茶，又或者如常同屋企人吃饭，然后成家人一齐追连续剧，边睇边讨论剧情，享受天伦之乐。两种生活方式都岩，都能够使人开心，至于选择边种，就要睇你我噶心态同性格了。

     开心就日日都系圣诞，日日都过生日，过得唔开心噶话日日都系受难日乘以二，日日都系劳动节噶平方。

其实节日只不过系一个符号，又或者讲系一个平台，节日自己本身无意义，在乎自己点样去演绎，原则系开心就好。有人特别中意某个节日，又或者特别讨厌某个节日，我觉得无必要，符号嗟，逗号同句号对于我黎讲都系差唔多。

讲到尾都系应该以我为中心，或者讲应该以人为中心。好多人唔知道节日本身噶意义，都唔知道自己究竟想要咩，人地去距又去，人地玩距又玩，人地饮酒距就饮酒，无错玩噶时候好似好开心，但到头来翻到屋企训落床果时先觉得无聊。

我认为，毕竟多数情况下呢个世界上骑墙噶人系占绝大部分，企系墙下面噶人少之有少。中国就系一个传统噶骑墙国家，而广州人又系其中噶尖子生，于是造就成柔而弱噶文化。生长系呢种充满柔弱文化气息噶土壤上面，注定系容易接受理性、中庸、保守噶思想理论，自我意识自萌芽状态时被摧毁了，田里只会生长出一模一样噶禾。

我唔要做呢片田里面噶一棵禾，我要做一棵树，长得高自然会有被割掉的可能，但系我仍然渴望长得更高，因为可以接受更多噶阳光，见到更远噶地方。